之前用作沖煮espresso的咖啡豆已飲完，故另外再買入一包哥倫比亞特級 (Columbia Supermo) 的咖啡豆，烘焙度為中烘焙，適合用作手沖咖啡。連續多日用愛樂壓(aeropress)沖咖啡，沖法和設定大致相同，不同的只是用原裝漏紙和金屬漏器(Coava metal filter)，以測試兩者之分別。
設定如下：
咖啡粉量：15 g
粗幼度：小飛馬3度
水量：約200 cc
水溫：攝氏82度-85度
分4天共試4次。
第1次是用金屬漏器，水溫85度，沖出來的咖啡十分清新，甘甜、微酸，淡淡咖啡苦味。
第2次是用原裝漏紙，水溫82度，感覺味道少了一些，不及第一次清新，像少了些果酸味。
第3和第4次是再改用金屬漏器，水溫82度、90度，得出的咖啡再有清新口感，甘甜、酸味和微微苦味十分平衡，回甘十分強，回到辦公室後，仍感到口中淡淡咖啡香，正！
結論十分明顯，Coava metal filter 沖這包哥倫比亞特級較合我口味！
昨天則用同一包哥倫比亞豆改為另一個器具沖煮 – 瑞士金(Swiss Gold)。這個器材在我買入愛樂壓後被打入冷宫，主要是因為感覺上用Swiss Gold沖煮出來的咖啡的味道不及其他器材，總是覺得差一點點。但今日突然想到一個可能的原因 – 水。使用其他器材沖煮咖啡，例如，愛樂壓、法蘭絨濾網、塞風壺等等，水都是用新鮮過濾水來沖煮，唯獨是用這個Swiss Gold，因貪方便，故熱水是來自可長期將保溫的電熱水壺。
今早改用水煲將學來水加熱，咖啡粉粗幼為小飛馬3度，粉量為13.5 g，倒入180 cc 熱水，水溫為攝氏90度。10秒後將分水層提高少許，待所有咖啡流出，得出的是一杯甘甜、微酸的咖啡，不知是否心理作用，這杯總是覺得比以前用Swiss Gold所沖的為之好，味道較清新，多了一點酸，十分好喝！
結論是似乎是告訴我別再用電熱水壺的水沖煮咖啡？！不，有機會還是要再試一試兩種水沖出來是否真的有分別！
Isaac's Coffee Land 
Dennis Cheng
2011/12/13 at 5:46 下午
c兄您好,想請問您用果個aeropress壺嚮邊度買? 同埋幾錢呢?
我係新手黎,用緊ec155,但中仲未買磨豆機,用的咖啡粉係嚮咖啡舖買(佢地幫我磨,我話佢地知我係用ec155的,每次買小量),唔知areopress哩個沖又適唔適合我呢?
isaacwmt
2011/12/14 at 11:39 上午
Dennis兄，你好！
我個aeropress o係台灣間mojocoffee買返黎，NT$1400，連2包新鮮烘焙咖啡豆，已包括運費。
如果你想係香港買，可以去上環蘇杭街Barista Jam，或者北角馬寶道Fresh coffee，價錢都好似係HK$380。
記住買埋aeropress用o既metal filter，比用漏紙好！
但如果你問我aeropress所沖出黎是否適合你，我真係唔識答。我用aeropress黎沖單品咖啡，espresso沖出黎o既係完全唔同。
你口味如何？偏向鍾意飲邊類咖啡？espresso？黑咖啡？
可以o既話，你可以去d cafe試下用aeropress沖o既咖啡，睇下鍾唔鍾意。我所知可以選擇用aeropress沖咖啡o既cafe有兩間，
上環蘇杭街Barista Jam，同埋上環太平山街Knockbox coffee。呢2間所沖o既咖啡質素有番咁上下，唔錯o架！
EC155其實係唔差 (我都係用呢部)，但要配一部質素好o既磨豆機。或者我應該咁講，無論用邊款espresso機，或者係用邊款沖法，
都必須要有新鮮烘焙咖啡豆同埋質素好o既磨豆機。至於用邊款磨豆機先好呢個問題，建議你去北角Fresh coffee，
請教下Landy同成哥，相信佢地都會好樂意答你o既問題。